परिचय (Introduction) 
“आर्थिक तथा सामाजिक विकासका लागि बचत गरौं” भन्ने मूल नाराका साथ सहकारी ऐन २०४८ अन्तर्गत डिभिजन सहकारी कार्यालय भक्तपुरमा २०६४ साल कार्तिक २१ गते दर्ता भई सञ्चालन भइरहेको शुभश्री बचत तथा ऋण सहकारी संस्था लि. बचत तथा ऋण कारोवार गर्न स्वीकृती प्राप्त संस्था हो । मध्यपुर थिमि न.पा.–४, शंखधर चोक, भक्तपुरमा यसको कार्यालय रहेको छ । समाजमा निष्कृय भएर रहेका स–साना पू“जीलाई एकत्रित गरी शेयर सदस्यहरूलाई बिभिन्न व्यवसायिक तथा सीपविकास सम्बन्धी तालिम प्रदान गरी सरल एवं सहज ढंगले कर्जा प्रवाह गरी स्वरोजगार तथा व्यवसायिक व्यक्तित्वको रुपमा स्थापित गर्दै लैजाने यस संस्थाको मुख्य उद्देश्य रहेको छ । लामो समयदेखि वित्त, लेखा एवं बिभिन्न पेशामा आवद्ध रही अनुभव हासिल गर्नु भएका स्थानीय व्यक्तित्वहरू यस संस्थाको अग्रपंक्तिमा रहनुले लक्ष्य प्राप्ति गरी निश्चयनै अघि बढि रहेको छ । शेयर पू“जी (Share Capital) अहिलेको प्रतिस्पर्धात्मक बजारको अवस्थालाई मध्यनजर गर्दै यस संस्थाको अधिकृत शेयर पू“जी रु. ५,००,००,०००÷— (अक्षरेपी पा“च करोड रुपैया“) कायम गरिएको छ । आवश्यकता एवं अनुकूलता बमोजिम यसलाई क्रमिक रुपमा चुक्ता पू“जीमा परिणत गर्दै लागिनेछ । 

व्यवस्थापन (Management) 
सहकारी ऐन नियम तथा जारी मापदण्ड २०६८ एवं संस्थाको स्वीकृत विनियम २०६४ ले निर्दिष्ट गरेको नीति, नियमहरू परिपालन गर्नु यस संस्थाको व्यवस्थापन समितिले पहिलो जिम्मेवारी ठानेको छ । संस्थाले निर्धारण गरेको लक्ष्य प्राप्तीको लागि सदैव तत्परका साथ अथक प्रयास एवं अभ्यासलाई पनि व्यवस्थापन समितिले उत्तिकै महत्वले हेरेको छ । शेयर सदस्यहरूको भावना र आवश्यकतालाई मध्यनजर गरी सरल र सहज रुपले डो¥याउन सक्ने दक्ष एवं अनुभवी पदाधिकारी एवं कर्मचारीहरू यस संस्थामा रहेका छन् । 

प्रविधि (Technology) 
आजको सञ्चार र प्रविधिको युगलाई यस संस्थाले समयानुकुल प्रयोगमा ल्याएको छ । यसर्थ शेयर सदस्य महानुभावहरूलाई छिटो, छरितो, भरपर्दो एवं विश्वासिलो ढंगले स्तरीय सेवा प्रदान गर्न सम्पूर्ण हर हिसाबलाई संस्था स्थापनाकालदेखि नै पूर्णरुपमा कम्प्युटरकृत गरिनुका साथै लोकप्रिय बैकिङ्ग सफ्टवेयर FinAcct जडान गरिएको छ । संस्थामा रहेका सबै कम्प्यूटरलाई LAN प्रविधिबाट नेटवर्किङ्ग गरिएको छ । प्रत्येक दिनको कारोबारको ब्याकअपलाई सुरक्षित राख्न छुट्टै सर्भरको व्यवस्था समेत गरिएको छ । 

विप्रेषण सेवा (Remittance Service) 
राज्यको ठूलो आय भार धानीरहेको विप्रेषण सेवालाई पनि यस संस्थाले तुरुन्तै कार्यान्वयनमा ल्याउने योजना बनाएको छ । संसारको जुनसुकै कुनाबाट पठाएको रकम यहा“ तुरुन्तै उपलब्ध गराइरहेका प्रख्यात Remittance Company जस्तै वेस्टर्न सेवा प्रारम्भ गर्ने योजना रहेको छ ।.